[Idioma K’iche’]

Are jun b’anow tijon chuq’ab’ chak rech kab’an k’ak’ chech ri suk’il/q’atow tzij ri’ xuquje’ rech kukub’isaj ri kato’ik ri ixoqib’ kab’an k’ax chi ke, le Unidad rech Control Telemático rech ri Ministerio rech  Gobernación xkib’an jun q’ijolal rech xkiya ub’ixik xetzijon kuk’ ri e’ajchak xuquje’ kuk’ ri e’ajq’atol tzij jeri’ kuk’ le Nim Q’atb’al tzij rech suk’il/q’atow tzij chi rij ri B’anow K’ax chi ke Ixoqib’ xuquje’ chi rij nik’aj Ub’anik K’ax chi ke ri’ uq’ab’il le Organismo Judicial rech ri tinamit rech Santa Rosa ri’.

Le riqon ib’ ri’ are xutaqij rech kariq kakojik le k’ak’ keme’uwachwuj ri’ pa le uq’atij tzij pa kiwi taq winaq ri’ xuquje’ rech achb’anow chajinem ruk’ ri control telemático ri’, pa jun nab’ejsab’al upatanexik pa le kato’ik kachajixiki taq ri ixoqib’ ri kiq’i’im ri b’anow k’ax chi ke ri’.

Pa le uq’ijol ri’, xya’taj ub’ixik ucholajil le uterne’xik rilik le k’amchapob’al ajpache’ ri’ le katob’an ri’ rech kakub’isax unimaxik le xutaq ub’anik kumal taq le q’atb’al tzij, rech man k’ot k’ax reyexik kab’an ri’ xuquje’ rech kaya’ik nim kakub’ kik’u’x le winaq chi ke le taqawokajil ri’.

Le kemetz’ib’ab’al b’ixik are jun k’o nim upatanib’al pa le kato’ik ri winaqil pa le kik’aslemalil xuquje’ pa el nim kiq’ij le ixoqib’. Ruk’ taq le riqon ib’ kuk’, kajunumisax le kaqachomaj xuquje’ kub’an utz le kiqach’ob’o ruk’ taq le q’atb’al tzij le wokaj ajchajin tinamit”, xecha’ le ajchomanelab’ rech le Unidad de Control Telemático ri’.

Eri b’anow ch’ob’ow chak chomanik ri’ kuya uchuq’ab’ le b’anik uchak le Ministerio rech Gobernación xuquje’ le Nim Uq’ab’ Q’atb’al Tzij ri’ rech pa kemonchak kab’an le uq’atexik ri k’ax b’anow ri’, rech katoq’axik ri b’anow taq q’atow tzij xuquje’ rech kakub’isaxik le suk’ilaj b’anom winaqilal, le k’ak’ ub’anik ruk’ le utzilaj kachomaxik ixoqib’ achijab’ ri’.

Kojtajin che upatanexik pa le uwokik uwach jun utzilaj wokaj q’atow tzij ri kunab’ejsaj ub’anik le chajinem winaqilal, pa saqilal xuquje’ rech keto’ik le winaqilal che ri qas b’anon k’ax chi ke ri’.