[Idioma K´iche´]

K’a pa le wuqq’ij ri’, le MINGOB Radio kuq’axej pa kaqiq’ tzijob’al ub’i’ “Le K’olem Kemchapob’al”, are jun k’ak’ q’axeb’al tzij le wokom uwach rumal le Unidad rech Control Telemático (UCT) ri’, ri utaqim ub’anik ri q’axeb’al tzij ri’ kumal le e’ajno’j chakuel rech kuk’ ri winaqilal pa tinamit.

Ri are kanajtib’ uq’axexik jun kajb’al (60 minutos) ri’, le q’axeb’al tzij ri’ are kaq’axexik pa ronojel taq q’ij martes k’a pa le wuqub’ kajb’al rech kasaqarik (07:00 a.m.) pa le q’axeb’al tzij rech MINGOB Radio xuquje’ pa taq keme’uwachwuj pa kaqiq’.
pa le jujun taq q’axeb’al rech ri’, le e’ajno’j rajchakunel le UCT kakiya’ ucholajil ub’ixik jas/su/sa le upatan kub’ano, le xk’utun wi loq, le ucholajil taq le tzijol kub’an pa uq’ijol xuquje’ le ub’anikil le kemon ilonem kub’ano ruk’ le kemon uchakuxik pa wokajilal.

Le Asesor rech le Unidad rech Control Telemático, M. Sc. A Lorenzo Castillo, sib’alaj xub’ij ri are che pa majib’al ri q’axeb’al tzij ri’ ub’i’ “Conexión Telemática ri’ man xaq are jun wuj rech ya’el tane’ tzijol, xane’ are ri’ jun chakub’al rech tijoninem. Kaqaj k’ut che le winaqilal qas kakich’ob’ b’a’ le ucholajil le chak upatan kub’an le k’ak’ keme’uwachwuj ri’ rech qas kub’an k’ut le upatan pa le k’ak’ ub’anikil taqanem kab’an pa le wokaj q’atow tzij/sukumalil ri’.

K’a pa le MINGOB Radio ri’ xya’taj wi ub’ixik chewe jun kemonchak ri’ are qas kab’an pa usaqilal le chak chajinem ruk’ le uterne’xik le chajinik kab’an ri’, rech kuwa’lijsaxik ukojik le k’ak’ ub’anikil ri’ pa le wokaj q’atow tzij/suk’umalil.

Le cholchak ri’ are ya’tal rilik uta’ik ri ub’anikil pa le k’olib’em ub’i’ podcast rech kab’an le uq’axexik utzijolil pa taq le keme’uwachwuj pa kaqiq’. Le nab’e q’axeb’al tzij ri’ kilotaj b’a’ pa le kemechapb’al ri’: